İsrail parlamenti (Knesset) Baş nazir Benyamin Netanyahunun hakim koalisiyasının son iclasında bir sıra qanun layihələrini qəbul etdikdən sonra cümə günü fəaliyyətini dayandırıb.

"Unikal" xarici mətbuata istinadən xəbər verir ki, parlament yay tətilinə çıxıb və oktyabrın 27-nə təyin olunan parlament seçkilərinədək yenidən toplanmayacaq.

Netanyahu növbəti seçkilər öncəsi hakimiyyətini qorumağa çalışdığı bir vaxtda keçirilən rəy sorğuları müxalifət partiyalarına dəstəyin artdığını göstərir. Son həftə ərzində isə Knessetdə hökumətin təşəbbüsü ilə mübahisəli qanun layihələri uzun müzakirələrdən sonra qəbul edilib.