İran Prezidentinin müavini və İran-Ermənistan Birgə İqtisadi Komissiyasının həmsədri Seyid Həmid Purməhəmmədi Ermənistanın ərazi idarəetmə və infrastruktur naziri Davit Xudatyanla görüşüb.

"Unikal" xəbər verir ki, Purməhəmmədi görüşdə Birgə Komissiyanın iki ölkə arasında iqtisadi əlaqələrin genişlənməsindəki rolunu yüksək qiymətləndirib və bu prosesin davam edəcəyinə ümidvar olduğunu bildirib.

 Erməni nazir vurğulayıb ki, Ermənistan üçün İranla əlaqələrin ardıcıl inkişafı və genişləndirilməsi xüsusi əhəmiyyət kəsb edir.

Görüşün digər hissəsində infrastruktur sahəsində əməkdaşlığın dərinləşdirilməsi və bu əməkdaşlığın genişləndirilməsi imkanları nəzərdən keçirilib.