Xələf Xələfov:
Xələf Xələfov: "Beynəlxalq hüquq baxımından iki dövlətin Xəzər
dənizindən boru xətti çəkməsi digər dövlətləri narahat etməməlidir"
Beynəlxalq hüquq baxımından iki dövlətin Xəzər dənizindən boru xətti çəkməsi digər dövlətləri narahat etməməlidir

Bunu Azərbaycan xarici işlər nazirinin müavini Xələf Xələfov "Trans-Xəzər" layihəsinin taleyi ilə bağlı məsələni şərh edərkən deyib.
O, sözügedən layihənin gerçəkləşdirilməsi ilə bağlı hələ razılaşmanın əldə olunmadığını deyib: "Beynəlxalq hüquq nöqteyi-nəzərindən yanaşanda, bu layihənin gerçəkləşməsi iki dövlətin arasında bağlanan sazişə əsasən gerçəkləşir. Lakin burada hüquqi, siyasi və iqtisadi amillərdən başqa ekoloji amillər də var. Bu üzdən layihənin gerçəkləşdirilməsi ilə bağlı bölgədə müəyyən fikir ayrılıqları yaranıb. Belə fikirlər var ki, boru xəttinin çəkilməsi Xəzərin ekologiyasına mənfi təsir göstərə bilər. Buna görə də layihənin reallaşdırılmasında ləngimə müşahidə olunur".