Arif Hacılı özünə müavinlər təyin etdi


Arif Hacılı özünə müavinlər təyin etdi

Dünən Müsavat Partiyasının başqanı Arif Hacılı özünə 3 müavin təyin edib.
Partiyadan verilən məlumata görə, hər üç şəxs Məclis üzvüdür. Yeni başqanın sərəncamı ilə Tofiq Yaqublu, Yadigar Sadıqov və Fərəc Kərimov müavin təyin edilib.
Arif Hacılı bir neçə sərəncam imzalayıb. Yeni başqan Mərkəzi İcra Aparatı partiyanın yeni icra strukturları yaradılanadək öz funksiyalarını həyata keçirməyi davam etdirməsinə qərar verib.
Digər sərəncamla müəyyən olunub ki, Müsavat Partiyasının Məclisi 11 oktyabr 2014-cü il tarixdə saat 11.00-da Müsavat Partiyasının mərkəzi qərargahında çağırılsın. Müsavat Partiyası Məclisinin 11 oktyabr 2014-cü il tarixli sessiyasında MNTK və sərbəst Məclis üzvlüyünə boş qalmış yerlərə seçkilər keçirilsin.
Namizədlərin irəli sürülməsi müddəti 01 oktyabr 2014-cü il 12.00-dan 10 oktyabr 2014-cü il saat 17.00-dək müəyyən edilsin. Ərizələr yazılı şəkildə Müsavat Partiyası Mərkəzi İcra Aparatının Təşkilat şöbəsinə təqdim edilsin. Qeyd edək ki, Müsavat Partiyasının sentyabrın 27-də keçirilən qurultayında Arif Hacılı sədr seçilib.