Venesuelada iyunun 24-də baş verən iki zəlzələ nəticəsində ölənlərin sayı 4333 nəfərə çatıb.

"Unikal" "Reuters" agentliyinə istinadən xəbər verir ki, bu barədə Milli Assambleyanın spikeri Xorxe Rodrigez bildirib.

Onun sözlərinə görə, ölənlərdən 315-nin şəxsiyyəti hələ də məlum deyil. Yaralıların sayı dəyişməz olaraq 16.740 nəfər olaraq qalır, daha 6.462 nəfər xilas edilib. Təxminən 17.000 sakin evini itirib.

Rodrigez həmçinin hakimiyyət orqanlarının gələn həftənin əvvəlində fəlakətdən zərər çəkmiş ailələrə ilk 200 evin paylanmasına başlayacağını açıqlayıb. Hökumətin ilkin hesablamalarına görə, təxminən 25.000 yaşayış vahidinə ehtiyac var. Bu məqsədlə Osma və Çuspa rayonlarında ümumi sahəsi 584.000 kvadratmetr olan təxminən 40 torpaq sahəsi artıq müəyyən edilib.