Xalq artisti İlhamə Quliyeva dünyasını dəyişəndən sonra onun əmlakı və zəhərlənməsi məsələsinə dair uzun-uzadı müzakirələr davam etdi. Əslində hələ də sözügedən məsələlərlə bağlı müzakirələr gündəmi tərk etməyib.
Uzun müddətdir İlhamə Quliyeva ilə müxtəliuf məhkəmə çəkişmələri yaşayan, konfliktlərdə olan xalq artisti Flora Kərimova isə hər şeyin süni olduğu iddiası ilə çıxış edib.
Unikal.org xəbər verir ki, bizimyol.info-ya açıqlamasında o, İlhamənin bütün həyatının kiməsə acıq vermək üstündə qurulduğunu deyib: "Onun hər şeyi, milyonları var idi deyirlər. Hər şey süni idi. Mən bir az da insanlara təəccüb eləyirəm. Ümumiyyətlə, İlhaməyə inanmaq olardımı?.. Siz bilmirsiniz, o elədiklərini eləməsəydi, hələ çox yaşayacaqdı. Onun bağrı qorxusundan partladı. Mən o yarılanda gördüm nə vəziyyətdə olduğunu".
