Berlində terror aktı törətməkdə şübhəli bilinərək saxlanılan Pakistan vətəndaşı sərbəst buraxılıb.
Unikal.org-un APA-ya istinadən verdiyi xəbərə görə, bu barədə Almaniyanın baş prokuroru Peter Frank bildirib. Onun sözlərinə görə, saxlanılan şəxsin təqsirli olduğunu təsdiqləyən sübutların olmaması onun sərbəst buraxılmasına səbəb olub.
Qeyd edək ki, ötən gün naməlum şəxs tərəfindən idarə olunan yük maşını bayram yarmarkasında kütləyə çırpılıb. Nəticədə azı 12 nəfər ölüb. Sürücü saxlanılıb. "Welt"-in məlumatına görə, saxlanılan şəxs Pakistan vətəndaşı B.Naveddir.
