Əfqanıstanın Hilmənd əyalətində silahlıların hücumu nəticəsində 8 polis əməkdaşı həlak olub, 3 nəfəri isə yaralanıb.

Unikal.org-un "RİA Novostiyə istinadən verdiyi xəbərə görə, insident Ləşkargah şəhərində baş verib. Silahlılar şəhərin Bolan rayonundakı polis postuna hücum ediblər.

Ordu generalı Əbdül Rəhim Cahansüri məlumatı təsdiqləyərək, hücumun "Taliban hərəkatının silahlıları tərəfindən törədildiyini bildirib.

İnsidentin təfərrüatları açıqlanmır. Hücuma görə məsuliyyəti hələlik heç bir qruplaşma öz üzərinə götürməyib.