Türk polisi HİV viruslu qadınlarla əlaqədə olan 200 kişini axtarır.

Unikal.org Türkiyə mətbuatına istinadən bildirir ki, 6 gün ərzində təxminən 200 kişi ilə cinsi əlaqədə olan əxlaqsız qadınlara qaşrı keçirilən əməliyyatda təhlükəli məqamlar ortaya çıxıb.

Türkiyənin Van şəhərində 14 dekabr 2016-ci ildə keçirilən əməliyyatda müxtəlif ünvanlara basqın təşkil edən polis briqadaları fahişəlik etdiyi müəyyən olunan 6 əcnəbi əsilli qadın və onları fahişəliyə cəlb edən 8 şübhəlini həbs edib.

Onlardan M.K. həbs olunaraq Van həbsxanasına göndərilib. Əməliyyatlardan sonra tibbi yoxlamadan keçirilən Qazaxıstan əsilli 29 yaşlı G.K. və Azərbaycan əsilli T.İ. adlı qadında QİÇS xəstəliyinə yol açan HIV virusu aşkar edilib. Qadınlar əməliyyat gününə qədər təxminən 200 kişi ilə cinsi əlaqəyə girdiklərini bildiriblər. Polis indi HIV virusu daşıyan qadınlarla əlaqəyə girən kişiləri axtarır. Buna görə də ictimaiyyətə müraciət edən polis həmin qadınlarla əlaqədə olan kişilərdən dərhal tibbi yoxlama üçün xəstəxanaya getmələrini istəyib. (cebhe.info)