Tanınmış Oskar mükafatı laureatı, üç dəfə "Qızıl qlobus" mükafatının sahibi, BMT-nin xoşməramlı səfiri Ancelina Coli üzləşdiyi xərçəng xəstəliyinə görə ömrünün son günlərini yaşayır.
Unikal.org publika.az-a istinadən bildirir ki, bu barədə sensasion məlumatı nüfuzlu "National Enquirer" dərgisi yayıb.
Dərginin yaydığı xəbərdə deyilir ki, 40 yaşlı tanınmış aktrisa Ancelina Coli ölmək üzrədir: "Ancelina Coli hər gün daha da arıqlayır. Hazırda onun çəkisi 37 kiloqram olub. Ötən ay Ancelina Colinin Yunanıstanda miqrantlarla görüşü zamanı çəkilən fotolarından da onun vəziyyətinin yaxşı olmadığını görmək olar. Onun xəstəliyi hər gün daha da ağırlaşır". 
Dərgi həmçinin yazır ki, tanınmış "Hollivud" aktyoru Bred Pit həyat yoldaşı Ancelina Colinin səhhətindən çox narahatdır: "Hətta bu yaxınlarda Bred Pit Ancelina Coliyə xəbərdarlıq edib ki, ya səhhətinə fikir verəcəksən, ya da biz boşanacağıq. Təbii ki, bu Bred Pit tərəfindən edilən yaxşı mənada təhdid olub".