![](http://unikal.org/uploads/posts/2016-04/1461830903_3b8b8f3d-514b-4865-8832-b349f5e3b296.jpg)
"Ermənilərin ağır silahlardan atəşi nəticəsində Ağdam rayonunda 59 evə ziyan dəyib, 12 ev tamamilə dağıdılıb, 1 ev yanaraq kül olub".
Bunu Ağdam Rayon İcra Hakimiyyətinin (RİH) başçısı Raqub Məmmədov bildirib.
O qeyd edib ki, aprelin 1-dən bugünədək olan hadisələrin ən ağırı ayın 27-dən 28-nə keçən gecə olub: "Bu gecə atılan mərmilərin sayını konkret olaraq demək mümkün deyil. Rayon ərazisinə yüzlərlə mərmi düşüb. Gecə atəşkəsin pozulması nəticəsində 1 nəfər həlak olub, 8 nəfər yaralanıb. Ağdam rayon İcra Hakimiyyəti nümayəndəliyinin mühasibi isə kontuziya alıb. Onlarla ev dağılıb, yüzlərlə mal-qara qırılıb".
İcra başçısının sözlərinə görə, aprelin əvvəlindən rayonun Qaradağlı kəndində 27, Zəngişalı-Mahrızlıda 5 ev, Çəmənlidə 3 ev, Əfətlidə 7 ev dağıdılıb: "Hazırda araşdırma gedir, ola bilsin ki, bu rəqəmlər artsın. Bu gecədən səhər saat 5-ə qədər kəndlər artilleriyadan atəşə tutulub, kənddə nəyisə nəzarətdə saxlamaq mümkün olmayıb. Saat 5-dən etibarən isə bizim nümayəndələr, Rayon Fövqəladə Hallar Komissiyasının nümayəndələri kəndlərə göndərilib. Hazırda kəndlərə nə qədər ziyan dəyməsi ilə bağlı son məlumatlar toplanır, rəqəmlər dəqiqləşdirilir".
Report.az
![](http://www.aznews.az/photos/d0906392-b71c-4cb8-ad9b-0092c5db030a.jpg)
![](http://www.aznews.az/photos/11c4ec89-3e3e-4fdd-9430-442f3c7b210d.jpg)
![](http://www.aznews.az/photos/7e8cde22-e990-44f9-ad8c-9a0617f71eba.jpg)
![](http://www.aznews.az/photos/c44deaa4-1941-4b92-a0cb-691185ab3ea8.jpg)
![](http://unikal.org/uploads/posts/2016-04/1461830886_4c3a309a-0c63-410a-89cd-edb2ae0ff6e7.jpg)
![](http://unikal.org/uploads/posts/2016-04/1461830903_3b8b8f3d-514b-4865-8832-b349f5e3b296.jpg)
![](http://unikal.org/uploads/posts/2016-04/1461831003_721c0cc9-90da-429a-a2a3-98789a64b221.jpg)