Salyanda polis adından istifadə edib dələduzluq edən şəxslər tutulub.
 
Unikal.org xəbər verir ki, Salyan Rayon Polis Şöbəsindən APA-ya verilən məlumata görə, özlərini polis əməkdaşı kimi təqdim edən 2 nəfər rayonun Aşağı Kürkənd kənd sakini, 2000-ci il təvəllüdlü Asiman Bəhramovu həbs edəcəyi ilə hədələyib ondan 15 000 manat pul alıb.

 Polis əməkdaşlarının həyata keçirdiyi əməliyyat-axtarış tədbirləri nəticəsində hadisəni törədən Salyan rayon sakinləri Kamran Qasımov və Vaqif İlyasov tutulublar.
 
Faktla bağlı cinayət işi başlanıb, istintaq hərəkətləri davam etdirilir.