Bu gün Azərbaycanda iki boğulma hadisəsi qeydə alınıb.
Unikal.org-un Fövqəladə Hallar Nazirliyinə istinadən xəbərinə görə, nazirliyin Böhran Vəziyyətlərində İdarəetmə Mərkəzinə Səbirabad rayonu, Suqovşan kəndi ərazisindən keçən Beton kanalında (ən yaxınlıqdakı xilasetmə məntəqəsindən 20 km aralı, nəzarətsiz ərazidə) 1 nəfərin batması barədə məlumat daxil olub. Dərhal nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və 2000-ci il təvəllüdlü, Cəfərov Emin İlqar oğlunun cəsədi batdığı yerdən 350 metr aralıda tapılıb çıxarılaraq aidiyyəti üzrə təhvil verilib. 
Bundan başqa Mingəçevir şəhəri ərazisindən keçən Kür çayında (nəzarətsiz ərazidə) 1 nəfərin batması barədə məlumat daxil olub. Dərhal nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və 1999-cü il təvəllüdlü, İsmayılov İntiqam Arif oğlunun cəsədi tapıb çıxarılaraq aidiyyəti üzrə təhvil verilib.