Azərbaycan prezidenti ABŞ Nəqliyyat Komandanlığının komandanını qəbul edib
Azərbaycan prezidenti ABŞ Nəqliyyat Komandanlığının komandanını qəbul edib

Azərbaycan prezidenti İlham Əliyev oktyabrın 18-də ABŞ-ın Nəqliyyat Komandanlığının komandanı Uilyam Freyzerin başçılıq etdiyi nümayəndə heyətini qəbul edib.
Görüşdə Azərbaycanla ABŞ arasında ikitərəfli münasibətlərin yüksək səviyyədə olduğu vurğulanıb, bu münasibətlərin müxtəlif sahələrdə uğurlu inkişafından məmnunluq ifadə edilib.
Görüşdə, həmçinin beynəlxalq terrorizmə qarşı birgə mübarizə, regional sülhün və sabitliyin təmin olunması məsələlərindən danışılıb, Azərbaycanın Əfqanıstandakı sülhməramlı missiyada birbaşa və daşımalar yolu ilə iştirakının əhəmiyyəti yüksək qiymətləndirilib, əməkdaşlığın bundan sonra da genişlənəcəyinə əminlik vurğulanıb.