Bu gün Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə mütəfəkkir şair İmadəddin Nəsiminin 650 illik yubileyi münasibətilə ölkə üzrə bir gündə 650 min ağacın əkilməsi təşəbbüsü çərçivəsində Kənd Təsərrüfatı Nazirliyinin Baytarlıq Elmi-Tədqiqat İnstitutunun Abşeron Təcrübə Təsərrüfatında ağacəkmə kampaniyası keçirilib. 

Unikal.org xəbər verir ki, əvvəldən müəyyən olunmuş, ağacların əkiləcəyi ərazilərdə şum aparılıb, çalalar qazılıb və sahələr əkinə hazırlanıb.

Bu genişmiqyaslı kampaniyaya həvəslə qoşulan Nazirlik nümayəndələri Pirşağı qəsəbəsində Çin Xalq Respublikasından gətirilmiş tut tingləri əkiblər.

Kənd Təsərrüfatı Nazirliyinin kollektivi tərəfindən əkilən ağacların suvarılması həyata keçirilib, onlara aqrotexniki qaydada qulluq göstərilib, ağacların küləkdən qorunması üçün qoruyucu dirəklər basdırılıb.