FTB amerikalı fəal Çarli Kirkin qatillərini tapmağa kömək edəcək məlumat üçün 100 min dollar mükafat təklif edib.

"Unikal" xəbər verir ki, müvafiq elan büronun X sosial şəbəkəsindəki rəsmi səhifəsində dərc olunub.

İdarənin açıqlamasında qeyd edildiyi kimi, mükafat cinayətkarın və ya cinayətkarların müəyyən edilərək tutulmasına səbəb ola biləcək məlumatlara görə ödəniləcək.

"FTB Çarli Kirkin qətlində təqsirli olan şəxsin (və ya insanların) müəyyən edilməsinə və həbsinə kömək edəcək məlumat üçün 100 min dollara qədər mükafat təklif edir", - məlumatda deyilir.