Ağstafa Rayon İcra Hakimiyyətinin başçısı Seymur Orucov ölkə rəhbərliyinin müvafiq tapşırıq və tövsiyələrinə uyğun olaraq rayonun şəhər, qəsəbə və kəndlərində vətəndaşların səyyar qəbullarını davam etdirir.

"Unikal" xəbər verir ki, müvafiq qrafikə əsasən Qaçaq Kərəm kənd tam orta məktəb binasında təşkil olunan səyyar qəbulda, o cümlədən rayonun hüquq-mühafizə strukturlarının rəhbər şəxsləri, aidiyyəti təşkilatların nümayəndələri və yerli sakinlər iştirak ediblər.

RİH başçısı çıxışında vurğulayıb ki, Prezident İlham Əliyevin rəhbərliyi ilə Azərbaycanın təşviq etdiyi sülh gündəliyi münaqişələrin bitməsi ilə yanaşı, inkişaf, əməkdaşlıq və insan rifahı üçün açılan yeni səhifədir. Sülhə doğru atılan addımlar, Zəngəzur dəhlizinin açılması ilə bağlı razılaşmalar ölkəmizin növbəti tarixi qələbəsi kimi qiymətləndirilir. 

Səyyar qəbulda vətəndaşların qaldırdıqları müxtəlif məzmunlu məsələlər qeydiyyata alınaraq nəzarətə götürülüb. Hər bir məsələnin həlli tədbirləri müəyyən edilməklə aidiyyəti üzrə məsul şxslərə konkret tapşırıqlar verilib.