Rusiyanın Perm bölgəsindəki Kama gölündə olan iki nəfər boğulmaqdan son anda xilas edilib.
Unikal.org xarici KİV-ə istinadən xəbər verir ki, göldə üzən 32 yaşlı qadın anidən boğulmağa başlayıb. Bu zaman ətrafda olan şəxs qadına kömək etməyə çalışıb. Lakin qadınla birlikdə o da boğulmağa başlayıb.
Belə ki, ərazidə olan 30-a yaxın adam 2 nəfəri xilas etmək üçün zəncir yaradıb. Gölə girənlər, boğulma təhlükəsi olan 2 nəfəri əllərindən tutaraq çıxara biliblər.
Həmin anlar kameraya əks olunub. Qısa zamanda sosial mediada paylaşılan bu görüntülər gündəm yaradıb.
