Ermənistanın İstintaq Komitəsi Xarici İşlər Nazirliyinin əməkdaşının dövlətə xəyanətdə şübhəli bilinərək həbs edilməsi barədə məlumat yayıb.
"Unikal" xəbər verir ki, məlumata görə, Aşxen Arakelyan mətbuatda yayıldığı kimi yüksək vəzifəli məmur və ya respublikanın xaricdəki keçmiş konsulu deyil.
Bundan əvvəl KİV-də Aşxen Arakelyanın dövlətə xəyanət işi üzrə həbs edilməsi və mühüm məlumatların Azərbaycan vətəndaşına ötürülməsi xəbəri yayılıb. İddialara görə, Aşxen azərbaycanlı şəxslə "romantik münasibətdə olub" və pul qarşılığında məlumatlar ötürüb.
Qurum qeyd edib ki, xarici dövlətin xeyrinə casusluq və dövlətə xəyanət maddələri ilə ona cinayət işi açılıb.
Cinayətdə digər şəxslərin, o cümlədən nazirliyin digər əməkdaşlarının iştirakı barədə məlumat yoxdur.
*** 10:56
Ermənistanın Avstriyadakı konsulu Aşxen Aleksanyan Ermənistana qayıtdıqdan sonra "Zvarnots" hava limanında saxlanılıb.
"Unikal" erməni mətbuatına istinadən xəbər verir ki, xanım konsulun Azərbaycanın xeyrinə casusluqda şübhəli bilinərək tutulub.
Onun üzərində bir neçə sənəd aşkarlanıb, bundan sonra Ermənistan Milli Təhlükəsizlik Xidməti Xarici İşlər Nazirliyinin binasında axtarış aparıb, kompüterlər, sənədlər yoxlanılıb.
