Avropa Azərbaycan Məktəbinin şagirdi, mərhum Əməkdar artist Aygün Bəylərin qızı Canan Hümmətova Malayziyanın Kuala Lumpur şəhərində keçirilən "World Scholar’s Cup Global Round 2025" yarışında ölkəmizi təmsil edib.

"Unikal" xəbər verir ki, Azərbaycanı təmsil edən "flag carrier" Canan Hümmətova olub.

"Cultural Fair" günündə isə Canan Bəhram Bağırzadəyə məxsus "Muğamın tarixi " adlı kitabını stenddə nümayiş etdirərək ölkəmizin zəngin musiqi irsini təqdim edib. O, 50-dən çox ölkənin iştirakçılarının toplandığı məkanda Azərbaycan muğamını dünyaya tanıdıb.

Canan həm akademik yazı, həm də debatlarda yüksək nəticələr göstərərək qızıl və gümüş medallar qazanıb. Bu uğurları sayəsində o, bütün komanda ilə birlikdə Yale Universitetində keçiriləcək Tournament of Champions final mərhələsinə vəsiqə qazanıb.