Zəngəzur dəhlizi Azərbaycan üçün son dərəcə vacibdir.

"Unikal" xəbər verir ki, bu fikri Azərtac-a açıqlamasında ATƏT-in Minsk qrupunun keçmiş həmsədri, amerikalı ekspert Riçard Hoqland səsləndirib.

O vurğulayıb ki, bu dəhliz Azərbaycanın BMT tərəfindən tanınmış sərhədləri çərçivəsində onun əsas hissəsini Naxçıvanla birləşdirir. “Naxçıvana getmək üçün Ermənistanın cənubundan keçmək lazımdır. Hazırda İrəvanla Bakı arasında gedən danışıqlar bu məsələ üzərində qurulub. Bu yaxınlarda Vaşinqtonda, Ağ Evdə sülh istiqamətində atılan yeni addımlar zamanı Zəngəzur dəhlizinin əhəmiyyəti bir daha təsdiqləndi və həmin dəhliz TRIPP adlandırıldı. Bu, o deməkdir ki, Birləşmiş Ştatlar Zəngəzur dəhlizinin reallaşmasında iştirak edəcək, bu prosesdən iqtisadi fayda əldə etməklə yanaşı, bölgədə sülhün möhkəmlənməsinə də töhfə verməyi nəzərdən keçirəcək”, - deyə keçmiş həmsədr Hoqland bildirib.