"Korrupsiyaya Qarşı Mübarizə Komissiyası Armen Sarkisyanın əmlakını yoxlamağa aylar əvvəl başlayıb". 

"Unikal" xəbər verir ki,  bu barədə "Hraparak" qəzeti yazıb.  Nəşrin məlumatına görə, ictimaiyyət prezident Armen Sarkisyanın istefası ilə maraqlanır, lakin onun əmlaklarını dəqiq şəkildə  bilən yoxdur:

""Gəlir bəyannamələrinin yoxlanılması və təhlili" olan Korrupsiyaya Qarşı Mübarizə Komissiyası Armen Sarkisyanın əmlakını yoxlamağa aylar əvvəl başlayıb. Axtarışlar nəticəsində prezident Sarkisyana bağlı bir şirkət Parisdə Yelisey meydanı yaxınlığında  lüks  malikanə alıb. Mülkin qiyməti 7,5 milyon avrodur. Həmçinin Ermənistan prezidenti  İsveçrəyə də  sərmayə yatırırmış.  Bununla bağlı Komissiya İsveçrə şirkətindən sorğu alıb və orada prezidentin İsveçrədəki əmlakını və vəsaitlərini Ermənistanda bəyan edib-etməməsi ilə maraqlanıb. Komissiya prezidentin aparatına məktub yazıb, aydınlıq gətirmək istəsə də, cavab almayıb və bundan bir neçə gün sonra Armen Sarkisyan istefa ərizəsini təqdim edib. Maraqlısı budur ki, Korrupsiyaya Qarşı Mübarizə Komissiyası Armen Sarkisyanın başqa  sərvətləri  barəsində  yazı  dərc etməyib". 

Gülayə  Mecid