"Mübahisə Tofiq Qasımovun Türkiyəyə 32 dəfə, Moskvaya yalnız 1 dəfə getməsi ilə bağlı replikasından başladı. Bəlkə də, o demək istəyirdi ki, balans olmalı idi. Mən də bu məsələyə reaksiya verdim".

"Unikal" xəbər verir ki, bu barədə Azərbaycan Xalq Partiyasının sədri Pənah Hüseyn canlı efirdə politoloq Tofiq Abbaslı ilə olan əlbəyaxa davasına münasibət bildirərkən deyib.  O həmçinin, hər kəsin öz mövqeyini bildirmək hüququnun olduğunu da deyib:

"Gərək belə hallar verilişdə olmasın. Uşaqlıqdan belə şeylər baş verir. Mən demirəm ki, xüsusi peşmançılığım var. Sadəcə, gərək, olmayaydı. Hər halda, yaşımız da o yaş deyil".