Abşeron rayonunun Masazır qəsəbəsində 32 yaşlı Turanə Cavadovanın öldürüldüyü otelin adı məlum olub.

"Unikal"ın əldə etdiyi məlumata görə, qətl qəsəbənin Hacı Zeynalabdin Tağıyev küçəsi 41 ünvanında yerləşən "Göyçə" otel-mehmanxanasında baş verib.

Qeyd edək ki, otel Əliyev Şirzad Bəylər oğluna məxsusdur.

Seymur Əli

xxx

18:40

Prokurorluq və polis əməkdaşları tərəfindən peşəkarlıqla həyata keçirilmiş istintaq-əməliyyat tədbirləri nəticəsində Abşeron rayonu ərazisində qeyri-aşkar şəraitdə törədilmiş xüsusilə ağır cinayətin “isti izlərlə” açılması təmin edilib.

"Unikal" xəbər verir ki, bu barədə Baş Prokurorluq məlumat yayıb. Bildirilir ki, oktyabrın 31-i gecə saat 05 radələrində Masazır qəsəbəsində yerləşən otellərin birində 1990-cı il təvəllüdlü  Turanə Cavadovanın üzərində xəsarət izləri olan meyitinin aşkar edilməsi faktı ilə bağlı Abşeron rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. 

Peşəkarlıqla həyata keçirilmiş istintaq-əməliyyat tədbirləri ilə 1996-cı il təvəllüdlü Rəsul Niftəliyevin tamah niyyəti ilə zərərçəkmişi boğub öldürərək sonuncunun üzərində olan 150 manat pulu götürməklə hadisə yerindən qaçmasına əsaslı şübhələr müəyyən edilib.

Rəsul Niftəliyev şübhəli şəxs qismində polis əməkdaşları tərəfindən tutularaq istintaqa təhvil verilib.

Hazırda cinayət işi üzrə istintaq davam edir.