ABŞ prezidenti Co Bayden fevral ayında Ukraynadakı müharibənin ildönümü üçün Avropaya səfər etməyi düşünür.

"Unikal" xəbər verir ki, iki yüksək səviyyəli administrasiya rəsmisi bu barədə məlumat verib.

Səfər hələ təsdiqlənməyib və detallar hələ razılaşdırılmayıb. Lakin bir rəsmi bildirib ki, nəzərdən keçirilən dayanacaqlardan biri hazırda minlərlə ABŞ əsgərinə ev sahibliyi edən NATO-nun əsas müttəfiqi olan və eyni zamanda Qərbin Ukraynaya silah tədarükü üçün mərkəz rolunu oynayan Polşadır. ABŞ hərbçiləri də orada ukraynalı hərbçilərə təlim keçir.

Bununla belə, uzunmüddətli təhlükəsizlik narahatlığını nəzərə alaraq, Baydenin bu səfər çərçivəsində Ukraynaya getməsi ehtimalı azdır, deyə rəsmi bildirib.

Baydenin köməkçiləri həftələrdir ki, müharibənin ildönümünü necə qeyd edəcəklərini, bəlkə də ABŞ prezidentinin mühüm bir çıxış edəcəyini planlaşdırırdılar.