Rusiyanın kimya istehsalçısı “Fores” Almaniya və ABŞ-ın bu yaxınlarda Ukraynaya verdiyi döyüş tanklarını məhv edən əsgərlərə mükafatlar təklif edib.

"Unikal" xəbər verir ki, bu məlumat Vaşinqton və Berlinin keçən həftə Kiyevə ağır zireh göndərilməsini təsdiqləməsindən sonra yayılıb.

"Alman "Leopard 2" döyüş tankını və ya "American Abrams"ı məhv edən və ya ələ keçirən rus əsgərləri pul mükafatı alacaqlar", - şirkətin məlumatda qeyd olunub.  

"Fores" ilk kuboka görə 5 milyon rubl ödəyəcək. Hər bir sonrakı üçün ödəniş 500 min rubl olacaq.

Berlin keçən həftə Kiyevə 14 "Leopard 2" tədarük edəcəyini bildirib və digər Avropa ölkələrindən Almaniya istehsalı olan tankların çatdırılmasına yaşıl işıq yandırıb.