Bayden Ukraynaya 325 milyon dollarlıq yeni hərbi yardım paketi ayırıb.
"Unikal" xəbər verir ki, bu barədə Ağ Ev məlumat yayıb.
Buraya HIMARS reaktiv yaylım atəşi sistemləri üçün sursat daxildir.
Ağ Evin mətbuat katibinin sözlərinə görə, yeni yardımın elanı Dövlət Departamenti və ABŞ Müdafiə Nazirliyinin nümayəndələrindən gələcək.
Bu, fövqəladə vəziyyət hesab olunacaq və Konqresin razılığı olmadan mal və xidmətlərin köçürülməsinə icazə verəcək.
21:02
ABŞ prezidenti Co Bayden və Kamala Harrisin administrasiyası 24 saat ərzində Ukraynaya yeni hərbi yardım paketini elan edəcək.
"Unikal" xəbər verir ki, bu barədə Ağ Evin mətbuat katibi Karine Jan-Pierre bildirib.
Jan-Pyerin sözlərinə görə, Ukraynaya yeni hərbi yardım paketinə HIMARS reaktiv raket sistemləri (MLRS) və artilleriya mərmiləri üçün döyüş sursatları daxil olacaq.
Aprelin 10-da Almaniyanın Ukraynaya dörd Dachs zirehli mühəndis maşını, 60 Zetros yük maşını, 42 mobil antena sistemi, 34 kəşfiyyat pilotsuz uçan aparatı və 83 520 ədəd 40 mm-lik sursat daxil olmaqla daha bir hərbi yardım paketi ayırdığı bildirilib.
“La Repubblica” qəzeti də İtaliyanın Ukraynaya 30-a yaxın M109L özüyeriyən artilleriya qurğusu göndərdiyini yazıb. Nəşrin məlumatına görə, İtaliyanın Udine şəhərindəki dəmir yolu vağzalında qaubitsalardan ibarət uzun kolona lentə alınıb.
