"Yeni su elektrik stansiyasının tikintisinin qiyməti təxminən 1 milyard dollara başa gələ bilər, çünki söhbət təkcə yeni hidroaqreqatların quraşdırılmasından deyil, nəhəng bəndin bütövlüyünün bərpasından gedir". 

"Unikal" xəbər verir ki,  bu barədə Ukrayna İqtisadiyyat Nazirliyinin mətbuat xidməti məlumat yayıb.

“Rusiya bir daha bütün dünyaya terror dövləti olduğunu sübut etdi, çünki Kaxovskaya SES-in sıradan çıxarılması ekoloji və iqtisadi nəticələrə, radiasiya və ərzaq təhlükəsizliyinə böyük təhlükə yaradacaq. Təkcə bəndin bərpasına ən azı beş il lazım olacaq və partlayışın humanitar və ekoloji nəticələrinin məcmu effekti yalnız artacaq”, - məlumatda deyilir.  

Qeyd edək ki, ötən gün Rusiya Xersonda Kaxovskaya SES-i vurub. Nəticədə bənd partlayıb və  yaşayış  məntəqələrini su basıb. 

Gülayə Mecid