"Rusiya sülhməramlılarına qarşı ittihamlar tamamilə əsassızdır".

"Unikal" xəbər verir ki, bunu bu gün keçirdiyi brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova Rusiyanın səfiri Sergey Kopırkinin Laçın dəhlizində baş verən atışma ilə bağlı ER XİN-ə çağırılması ilə bağlı sualı cavablandırarkən deyib.

“İyunun 15-də qeyd etdiyiniz bölgədə (Laçın dəhlizi) baş vermiş hadisə Ermənistan-Azərbaycan sərhədinin delimitasiya olunmaması ilə bağlı ümumi problemlə bağlıdır. Rusiya tərəfi dəfələrlə bizim məsləhət köməyimizlə Ermənistan-Azərbaycan sərhədinin delimitasiyası üzrə ikitərəfli komissiyanın səmərəli, belə hərtərəfli işinə başlamağa çağırıb”, - Mariya Zaxarova qeyd edib.

Onun sözlərinə görə, Rusiya sərhəd xəttinin müəyyənləşdirilməsinə hazırdır.

“Biz sərhəd xəttinin keçidinin müəyyənləşdirilməsində və tərəflər arasında növbəti mübahisə obyektinə çevrilmiş bu sahədə kömək etməyə hazırıq. Rusiya sülhməramlılarına qarşı ittihamlar tamamilə əsassızdır. Bununla bağlı mediada ritorikanın dərəcəsini azaltmağı qətiyyətlə tövsiyə edirik. Sülhməramlılar vəziyyəti normallaşdırmaq üçün tərəflərlə sıx əməkdaşlıq edir. Onlar öz məsuliyyət zonalarında vəziyyəti sabitləşdirmək, atəşkəs və hərbi əməliyyatları saxlamaq vəzifəsini aydın şəkildə yerinə yetirirlər”, - deyə Mariya Zaxarova qeyd edib.