Latın Amerikası yəhudi diasporunun əsas media orqanlarından biri olan Argentinanın “Visaviss” internet nəşri Bakı ravvini Zamir İsayevin dünyadakı yəhudiləri Azərbaycanın demonlaşdırılmasına və erməni təbliğatının Holokost mövzusundan istifadəsinə qarşı çıxmağa çağıran müraciətini dərc edib.

"Unikal" xəbər verir ki, nəşrdə Qarabağda ermənilərin “soyqırımı” ilə bağlı rəsmi Bakıya qarşı ittihamlar “böhtan kampaniyası” adlandırılıb.
Ötən həftə Latın Amerikası Rabbinik Konfransının təsisçisi, Argentina İsrail Qarşılıqlı Yardım Assosiasiyasının (AMIA) prezidenti və Avropa Ravvinlər Konfransının üzvü Eliyahu Hamara, həmçinin Panama Baş Ravvini David Peretz və Çili Sefarad icmasının ravini Eliyahu Tamim Azərbaycana qarşı pis rəy formalaşdırılmasına və Holokostdan istifadəyə qarşı çıxıblar.