Aİ-nin Somalidəki Ümumdünya Ərzaq Proqramı (WFP) üçün maliyyələşdirməsi kütləvi oğurluqların aşkarlanması səbəbindən müvəqqəti olaraq dayandırılıb.

"Unikal" xəbər verir ki,  bu  barədə  Aİ  rəsmiləri məlumat yayıb. 

"BMT-nin araşdırması aclığın qarşısını almaq üçün geniş miqyasda oğurluq və yardımdan sui-istifadə hallarını aşkar etdikdən sonra Avropa İttifaqının icraçı direktoru Somaliyə maliyyəni müvəqqəti olaraq dayandırıb", - məlumatda deyilir. 

BMT-nin araşdırması nəticəsində məlum olub ki, torpaq sahibləri, yerli hakimiyyət orqanları, təhlükəsizlik qüvvələri və yardım işçiləri vəsaitlərin oğurlanmasında iştirak ediblər.

Qeyd edilir ki, maliyyələşmə WFP əlavə şərtlərə cavab verdikdən sonra, o cümlədən tərəfdaşların Somalidə yerində yoxlanılmasından sonra bərpa olunacaq.