Xüsusi Təyinatlı Qüvvələrin zabiti, Vətən müharibəsi qazisi Sadiq Hüseynovun SOCAR "Azəriqaz" İstehsalat Birliyinə ünvanladığı müraciət həllini tapıb.

"Unikal" xəbər verir ki, o, yaşadığı fərdi yaşayış evinin qarşısından keçən qaz xəttinin yerinin dəyişdirilməsini istəyib. Şəhid ailələri və qazilərin müraciətlərinə hər zaman xüsusi həssaslıqla yanaşan SOCAR "Azəriqaz" İB bu müraciətin icrasını öz üzərinə götürüb və qısa müddət ərzində qazinin müraciəti həllini tapıb.