"Vətəndaş Elçin Məmmədov TƏBİB-in tabeliyindəki Kliniki Tibbi Mərkəzin Toksikologiya şöbəsinə huşsuz vəziyyətdə yerləşdirilib".

KTM-dən "Unikal"a verilən məlumata görə, ona zəruri tibbi xidmət göstərilib, hazırda vəziyyəti stabildir.

"Lakin onun intihar edib-etməməsi ilə bağlı dəqiq məlumat yoxdur. Suallara adekvat cavab vermir. Klinika  bununla bağlı hüquq-mühafizə orqanlarına məlumat verib. Onun müalicəsi  davam etdirilir", - deyə açıqlamada qeyd olunub.

*** 22:30

Vətən müharibəsi qazisi intihara cəhd edib. 

"Unikal" xəbər verir ki, bu barədə sosial şəbəkələrdə yazılıb. 

Belə ki, üç ildir ƏƏSMN-dən əlilliyini ala bilməyən, Bakıda yaşayan Siyəzən rayon sakini Məmmədov Elçin özünə qəsd edib.

Onun hazırda Kliniki Tibbi Mərkəzin toksikologiya şöbəsində komada olduğu bildirilir.