ABŞ dövlət katibi Antoni Blinken Qəzza zolağındakı vəziyyətlə bağlı İsrail və Fələstin rəsmiləri ilə məsləhətləşmələr aparmaq üçün gələn həftənin əvvəlində İsrailə səfər etməyi planlaşdırır.

"Unikal" xarici mətbuata istinadən xəbər verir ki, səfər Qətərin vasitəçiliyi ilə İsrail və HƏMAS arasında girovların azad edilməsinə dair razılaşmaların həyata keçirilməsi fonunda baş tuta bilər.

Bu, dövlət katibinin Fələstin-İsrail münaqişəsinin gərginləşməsi başlayandan bəri İsrailə dördüncü səfəri olacaq.