ABŞ-da Çində tənəffüs yoluxucu xəstəliklərin qəfil artmasının ardından 5 senator prezident Co Baydenə xəbərdarlıq edərək, Çin ilə ABŞ arasında səyahət qadağası istəyib.

"Unikal" xəbər verir ki, ABŞ-da 5 senator Baydenə Çində artan sirli xəstəliyə qarşı xəbərdarlıq edib.“Səyahət qadağası tətbiq olunsun”

Marko Rubionun başçılıq etdiyi 5 respublikaçı senator Çində tənəffüs yoluxucu xəstəliklərlə bağlı qəfil artımdan sonra Bayden administrasiyasına məktub yazıb.

Məktubda Çində uşaqlar arasında sürətlə yayılan "sirli" və "naməlum" xəstəliyə toxunaraq, "Bu yeni xəstəliyin yaratdığı təhlükələr haqqında daha çox məlumat əldə edənə qədər ABŞ və Çin arasında səyahətləri dərhal məhdudlaşdırmalıyıq" deyilir. 

Məktubda Çinin Covid-19 epidemiyası zamanı faktları gizlətdiyi xatırladılıb və bunun ABŞ-a baha başa gəldiyi vurğulanıb.

Məktubda Bayden administrasiyasına "Amerikalıların sağlamlığını və iqtisadiyyatını qorumaq üçün lazımi addımları atmağa" çağırılıb və yeni xəstəlik haqqında "daha çox məlumat alana qədər" həyata keçiriləcək səyahət qadağasının xilas edə biləcəyini ifadə edib. 

Ümumdünya Səhiyyə Təşkilatının rəsmisi Maria Van Kerkhove ötən həftə mövzu ilə bağlı verdiyi açıqlamada Çində görülən xəstəlik dalğasının 2018-2019-cu illərdə Covid-19-dan əvvəl müşahidə olunan qədər yüksək olmadığını bildirib.

2020-ci ilin yanvarında ABŞ-ın keçmiş prezidenti Donald Tramp Covid-19 epidemiyasının yayılmasının qarşısını almaq üçün Çindən ABŞ-a səyahətə bəzi məhdudiyyətlər qoyub, lakin uçuşları qadağan etməyib.