Futbol üzrə Çempionlar Liqasının 1/8 final mərhələsinin cavab oyununda İspaniyanın “Barselona” komandası evdə İtaliya “Napoli”sini 3:1 hesabı ilə məğlub edərək, turnirin 1/4 finalına yüksəlib.

"Unikal" xəbər verir ki, “Barselona”nın qollarını Fermin Lopez (15-ci dəqiqə), Joao Kanselo (17) və Robert Levandovski (83) vurub. “Napoli”də isə Amir Rrahmani (30) topu rəqibin qapısından keçirib.

Qeyd edək ki, ilk görüş 1:1 hesabı ilə başa çatmışdı.

İngiltərənin “Arsenal” futbol klubu Çempionlar Liqasının 1/8 final mərhələsinin cavab oyununda Portuqaliyanın “Portu” klubunu darmadağın edib. Görüş Londonda baş tutub. İlk görüş Porto-nun 1:0 hesablı qələbəsi ilə başa çatıb. Cavab matçının əsas vaxtı da eyni hesabla “Arsenal”ın xeyrinə yekunlaşıb. Əlavə vaxtda rəqiblər qol vura bilməyib, penaltilər seriyasında isə London komandası daha güclü olub - 4:2.

Bundan əvvəl hazırkı turnirin qalibi İngiltərənin “Mançester Siti”, İspaniyanın “Real Madrid”, Almaniyanın “Bavariya” və Fransanın “Paris Sen-Jermen” klubları Çempionlar Liqasının 1/4 finalına yüksəlib.

1/4 final mərhələsinin püşkatma mərasimi martın 15-də keçiriləcək. İlk oyunlar aprelin 9-10-da, cavab qarşılaşmaları isə aprelin 16-17-də keçiriləcək. Çempionlar Liqasının finalı iyunun 1-də Londondakı “Uembli” stadionunda keçiriləcək.