Gəncə şəhərində mənzillərdən birində yanğın hadisəsi baş verib.
"Unikal"ın məlumatına görə, hadisə şəhərin Zərifə Əliyeva küçəsi, bina 6, mənzil 7 ünvanında ikimərtəbəli tikililərdən birində qeydə alınıb.
Belə ki, iki otaqlı mənzilin birinci otağında baş verən yanğın digər ikinci otağada keçib. Ev sahibi evdə olmadığından qonşular FHN-nin Gəncə şəhər Dövlət Yanğından Mühafizə İdarəsinə zəng edib və hadisə yerinə iki yanğınsöndürən avtomobil və 20-yə yaxın canlı qüvvə cəlb olunub.
Yanğın söndürülüb və alovun qonşu mənzilə keçməsinin qarşısı alınıb. İlkin məlumata görə, hadisəyə səbəb elektrik naqillərində olan qısaqapanmadır.
Faktla bağlı araşdırma başlanılıb.
Tural Əhmədov
