ABŞ-nin nümayəndəsi Bayron Donalds yeni seçilmiş prezident Donald Trampın Ağ Evə qayıtması halında tərtib edildiyi iddia edilən qisas siyahısına malik olduğunu təkzib edib.

"Unikal" xəbər verir ki, onun sözlərini "Fox News" sitat gətirib. 

"Demokratik solun bu yalanlarını dinləyən Amerika xalqına deyəcəyəm ki, Donald Tramp kimdənsə qisas alacağı barədə məlumat verməyib. Heç vaxt bu ifadəni belə dilə gətirməyib", - Donalds bildirib.

Nümayəndə Trampa qarşı çıxan və bəyənmədiyi insanların olduğunu etiraf edib, lakin o, Trampın “Amerika xalqına fokuslandığını” bildirib. 

Donalds bildirib ki, Trampın əsas prioritetləri ölkənin cənub sərhədinin təhlükəsizliyini təmin etmək, miqrantları deportasiya etmək, iqtisadiyyatı və enerjini yaxşılaşdırmaqdır.

"Onun diqqəti Amerika xalqına yönəlib, bəzi düşmənlər siyahısına deyil", o, bir daha vurğulayıb. 

Noyabrın 6-da “Politico” yazıb ki, Trampın Ağ Evə qayıdacağı təqdirdə qisas alacağına söz verdiyi adamların uzun siyahısı var. Buraya ABŞ-nin hazırkı prezidenti Co Bayden və onun oğlu Hunter, Kamala Harris, Barak Obama, Hillari Klinton, Nensi Pelosi və başqaları daxildir. 

Gülayə Mecid