"Liverpul" "Barselona"nın futbolçusu Qavi ilə maraqlanır. 

"Unikal" xəbər verir ki, bu barədə İspaniya mətbuatı məlumat yayıb. 

İngiltərə təmsilçisi artıq 20 yaşlı yarımmüdafiəçinin dəyəri və transferin mümkünlüyü ilə bağlı məlumat toplayıb. Mersisaydlıların baş məşqçisi Arne Slot hesab edir ki, Qavi onun komandasında ən yaxşı oyununu göstərə bilər. Həmçinin hazırda futbolçunun "Barselona"nın əsas heyətində yerini itirməsi transfer prosesinin gedişatına təsir ola bilər. 

Qeyd edək ki, Qavinin Kataloniya klubu ilə müqaviləsi 2026-cı ilə qədərdir. Daha öncə mətbuatda "Barselona"nın yaxın zamanda onunla yeni müqavilə imzalamağa hazırlaşması ilə bağlı xəbərlər yayılmışdı.