Qərb dövlətləri “yeni tələblər” irəli sürmək qərarına gələrsə, Türkiyə və Suriya silahlı qüvvələri Kürdüstan Fəhlə Partiyasının (PKK) üzvlərinə qarşı genişmiqyaslı hərbi əməliyyata başlayacaq.

"Unikal" xəbər verir ki, bu barədə “Hürriyet” qəzeti məlumat yayıb. 

Jurnalistlər qeyd ediblər ki, Suriya ərazisində yerləşən PKK üzvləri respublikanın başqa administrasiyasının yaradılmasında israr etməkdə davam edirlər. Bunun fonunda Türkiyə lideri Rəcəb Tayyib Ərdoğan onlara xəbərdarlıqla müraciət edib.

 Eyni zamanda, məqalə müəllifləri Qərb dövlətlərinin hansı “yeni tələblərinin” Ankara və Dəməşq arasında birgə əməliyyatın başlamasına səbəb ola biləcəyini dəqiqləşdirməyiblər.

Gülayə Mecid