İspaniyanın Fransa ilə sərhədindəki Pireney dağ silsiləsində yerləşən Astun dağ-xizək kurortunda liftdə qəza baş verib.
"Unikal" xəbər verir ki, ilkin məlumatlara görə, liftin aşmasına trosun qırılması səbəb olub, nəticədə 30-dan çox insan xəsarət alıb.
Zərərçəkənlərin 17-sinin vəziyyəti ağır və ya orta-ağır qiymətləndirilir. Doqquz nəfərin vəziyyəti ağırdır.
Yardım göstərmək üçün hadisə yerində səhra xəstəxanası yaradılıb və orada xəsarət alanların ilkin müayinəsi aparılır.
Xilasetmə əməliyyatında tibbi helikopterlər, yanğınsöndürənlər, 10 təcili tibbi yardım maşını və psixoloqlar qrupu iştirak edir.
