ABŞ-nin Merilend ştatının federal hakimi prezident Donald Trampın ABŞ-da doğulan uşaqların vətəndaşlıq hüquqlarını məhdudlaşdıran sərəncamına qarşı ümummilli hökm çıxarıb.

"Unikal" xəbər verir ki, hökmü Merilend Dairə Məhkəməsinin hakimi Debora Bordman elan edib.

“Bu gün, demək olar ki, ABŞ torpağında doğulan hər bir uşaq doğulduğu andan ABŞ vətəndaşıdır. Bu, ölkəmizin qanunu və ənənəsidir. Bu qanun və ənənə qüvvədə qalır”, - Boardman bildirib.

Bu, Trampın doğum hüququ ilə vətəndaşlığı məhdudlaşdırmaq əmrinin ləğv edildiyi ikinci ABŞ məhkəməsidir.