Birləşmiş Ərəb Əmirliklərinin (BƏƏ) Dubay şəhərində təlim-məşq toplanışında olan 17 yaşadək qadın futbolçulardan ibarət Azərbaycan milli komandası ilk yoxlama oyununu keçirib.

"Unikal" xəbər verir ki, bu barədə AFFA-nın mətbuat xidməti məlumat yayıb. 

U-17 BƏƏ-nin müvafiq yaş qrupundan ibarət komandası ilə qarşılaşıb. Oyun meydan sahiblərinin 2:1 hesablı qələbəsi ilə yekunlaşıb. Millimizin heyətində qolu 35-ci dəqiqədə Aylin Kərimova vurub. 

Qeyd edək ki, komandalar arasında ikinci yoxlama oyunu fevralın 10-da baş tutacaq.