AFFA İntizam Komitəsi II Liqada çıxış edən "Sheki City" komandasını cərimələyib.

"Unikal" xəbər verir ki, bölgə təmsilçisinin azarkeşləri "Şahdağ Qusar"la matçın 55-ci dəqiqəsində rəqib oyunçulara kənar əşyalar atıblar.

Klub buna görə 80 manat ödəməli olacaq. Fanatlar hətta futbolçulara təhqiramiz ifadələr də işlədiblər. Bu hal ikinci dəfə təkrarlandığı üçün "Sheki City"50 manat ziyana düşüb.

Bundan əlavə, təhlükəsizlik düzgün təmin olunmadığından əyalət təmsilçisi əlavə 400 manat da verəcək və komandanın növbəti ev oyunu azarkeşsiz keçiriləcək.