Ukraynanın taleyinə bilavasitə təsir edən Rusiya-ABŞ danışıqlarında Moskvanın danışıqlarına rəhbərlik etməyə kömək edən casus general yenidən gündəmə gəlib.
"Unikal" xəbər verir ki, bu barədə "Wall Street Journal" nəşri məlumat dərc edib.
Məlumata görə, rus general-polkovnik Sergey Beseda Rusiyanın ən güclü casuslarından biridir. O, nadir hallarda şəkil çəkdirir və onilliklər ərzində Rusiya prezidenti Vladimir Putinin ən həssas əməliyyatlarına nəzarət edib.
Nəşrin yazdığına görə, keçən ilin bu vaxtı MKİ-nin “Baron” kimi tanıdığı casus karyerasının böyük hissəsini sərf edən “ultra məxfi” işlə məşğul olub.
O, ABŞ -Rusiya tarixində ən böyük məhbus mübadiləsinə dair danışıqlar aparmaq üçün saxta adlar altında rezervasiya edilmiş hotellərdə bir neçə həftədən bir agentlik rəsmiləri ilə görüşüb. Mübadilə avqustun 1-də baş tutub və "Wall Street Journal"ın müxbiri Evan Gerşkoviç də daxil olmaqla 24 məhbus azad edilib.
O zaman Co Bayden administrasiyası KİV-ə xəbərdarlıq edib ki, Besedanın adının açıq şəkildə çəkilməsi Vaşinqtonun müharibə zamanı Kremllə qalan yeganə arxa kanallarından birini partlada və amerikalıları azad etmək üçün danışıqlara xələl gətirə bilər.
Bu il 70 yaşlı veteran kəşfiyyat rəisi Ukrayna ilə bağlı Tramp administrasiyası ilə sülh danışıqları aparmaq üçün açıq şəkildə eyni hotellərə qayıdıb. Bu, ABŞ-nin Rusiya ilə münasibətlərinin yenidən qurulmasının əlaməti ola bilər.
Trampın xüsusi nümayəndəsi Steve Uitkoff Putinlə birbaşa danışıqları irəli sürməyə çalışmaq üçün dünən Moskvaya səfər edib.
Besedanın təyinatı o deməkdir ki, Putinin casus xidmətləri yüksək səviyyəli beynəlxalq danışıqlarda Xarici İşlər Nazirliyini əvəz edir. Təhlükəsizlik analitikləri deyirlər ki, bu, hətta Soyuq Müharibə dövründə də baş verməyib.
Gülayə Mecid
