Ötən gün Oğuz rayonu, Bayan kəndində taxıl sahəsindəki avtomobildə yanğın baş verib.

"Unikal" xəbər verir ki, FHN-in Dövlət Yanğından Mühafizə Xidmətinin Oğuz Rayon Yanğından Mühafizə Hissəsinin qüvvələri əraziyə cəlb olunub.

Yanğınsöndürənlər tərəfindən “MAN” markalı yük avtomobilinin kabinə hissəsində baş vermiş yanğın yük hissəsinə keçməsinə, habelə ətraf ərazilərə yayılmasına imkan verilmədən söndürülüb.

Yanğın nəticəsində yük avtomobilinin kabinə hissəsi və ön təkərləri yanıb.