Belçikanın Antverpen şəhərində ikinci əl mağazasının işçiləri tərəfindən təsadüfən Pablo Pikassonun eskizi olan boşqab aşkarlanıb.

"Unikal" xəbər verir ki, üzərində öküz döyüşünü əks etdirən relyef rəsmi olan gil məmulatı təxminən üç həftə əvvəl məişət əşyaları arasında tapılıb. Mağazanın işçiləri onun üzərində Pikassonun orijinal yazısını görüblər - "Empreinte originale de Picasso2.

Daha sonra mütəxəssislər rəsmin əslində rəssama məxsus olduğunu müəyyən ediblər. Boşqab hərracda 12,6 min avroya satılıb.