Milli Məclisin sabiq deputatı Etibar Əliyev Nərimanov Rayon Bələdiyyəsinin sədri Təmraz Tağıyevin onu təhdid etdiyini bildirib.

"Unikal" xəbər verir ki, bu barədə Etibar Əliyev "Facebook" sosial şəbəkəsindəki hesabında paylaşım edib.

"Nərimanov Bələdiyyəsinin sədri Təmraz Tağıyev bəzi akademikləri tənqid etdiyimə görə məni hədələyir, söyüş söyür, təhqir edir, şəxsimi təhdid edərək, zona-region mənsubiyyətinə görə bu tənqidi doğru saymır. Rəhmətlik atam haqqında nalayiq ifadələr işlədir. Görün, akademiklər kimin ümidinə qalıb?!

Vaxtilə təkər yamamaqla məşğul olan bir məxluqun indi özünü siyasətə və YAP-a yamamağı ayıbdır. O uydurur ki, guya vaxtilə yaş senzi ilə bağlı Heydər Əliyevi müdafiə edib, amma indi  yüz hoqqadan çıxır. Əslində həmin aksiyada o iştirak etməyib.

Tutduğu vəzifədən sui-istifadə etməklə milyonlar qazanıb. Bunların əmlakı müsadirə olunub, Qarabağımızın dirçəlməsinə yönləndirilməlidir. Saxta regionçuluq ifşa olunmalıdır. Nərimanov Bələdiyyəsinin sədri kimi bu institutu ən çox gözdən salan belələridir", - deyə sabiq deputat qeyd edib.