Ermənistan Avrasiya İqtisadi Birliyindən (AİB) çıxmağın nəticələri ilə bağlı hər hansı müzakirəni vaxtından əvvəl hesab edir.

"Unikal" xəbər verir ki, bunu Ermənistanın Baş nazirinin müavini Mher Qriqoryan bildirib.

"Biz Avrasiya İqtisadi Birliyi ilə əlaqələri kəsməyi düşünmürük. Buna görə də, hazırda heç bir hesablama aparmağa ehtiyac görmürük", - deyə Qriqoryan qeyd edib.

Onun sözlərinə görə, İrəvan "bu məsələ aktuallaşdıqda" stress testləri keçirəcək.

Qriqoryan həmçinin ümid etdiyini bildirib ki, "hazırda Rusiyaya malların daşınması ilə bağlı yaranan problemlər texniki xarakter daşıyacaq və tezliklə aradan qalxacaq".