İranın İsrailə raket hücumu fonunda İraq öz hava məkanını müvəqqəti olaraq (72 saat) mülki aviasiya uçuşları üçün bağladığını elan edib.

"Unikal" xəbər verir ki, bu barədə İraqın aviasiya qurumu məlumat verib.

Xatırladaq ki, İran İslam Keşikçiləri Korpusu (SEPAH) İsrailə raket zərbələri endirməyə başlayıb. İran tərəfi hava zərbələrinin İsrailin Livanın cənubunda yenidən keçirdiyi hərbi əməliyyatlara cavab olaraq etdiyini bildirib. Bu, tərəflər arasında aktiv əməliyyatların dayandırılmasından sonra edilən ilk birbaşa zərbədir.

İsrailin cavab zərbələri vuracağı gözlənilir. Bu arada İran cavab zərbələrinin olmayacağı təqdirdə, hücumları davam etdirməyəcəyini bildirib.